Lompat ke konten Lompat ke sidebar Lompat ke footer

Widget HTML 1562343898

Lirik Lagu Gayo – Sêmilir Angin

Penyanyi/Vocal :  Ervan Ceh Kul & Hendra Kabinet
Pencipta/Cipt  :  Abd Rauf & Ecek Umang


Manôt ni waeh...
Êngê tareng atu ngiku
Ku Toa sêlalu kaô munuju
Ngê tareng labu i batang ruang
Ngê tareng labu i batang ruang

Itêmô ôôô ôtehku ngingku
Kêtebông lêteh ni pumu
Laeng lagu mêntalu
Tênênge ku kêmerengku
Alôs lagu bêrsisu

Rêpôk nate bayakku
Lagu sêmbilu ken pêlayang
Rêpôk nate bayakku
Lagu sêmbilu ken pêlayang

Ikê ku ingêti...
Kisah têrakher ner
Sêntan ku peker bêta bang takder
Nasep ni paser i sêsêmpak gêlumang
Nasep ni paser i sêsêmpak gêlumang

Itêmô ôôô ôtehku ngingku
Sayang ni tôbôh mupêser
Kêrakap atu kêrekel
Rugi ni laôh si mutêter
Lagu Pêsangên si mujarel

Mêtôs ni jantông ari seser
Pêsanter kaseh sayang
Mêtôs ni jantông ari seser
Pêsanter kaseh sayang

Ulênô ôôô bintangku ngingku
Lalu mi kô lalu
Mênuju cahaya têrang

Ulênô ôôô bintangku ngingku
Lalu mi kô lalu
Mênuju cahaya têrang

Ikê ku ingêti...
Kisah si liwêt onot
Mêra aku mongot kê mokot mokot
Tali si ku ikot ara kê ilên pêrêntang
Tali si ku ikot ara kê ilên pêrêntang

Itêmô ôôô ôtehku ngingku
Payah kêjang aku têringêt
Gêrê lale biêr wan buêt
I êmôn pôteh kô mulibêt
I waeh jêrneh kô liwêt

I kêrtas pôteh têrsurêt
Sabe bêrlipêt iwan ni bulang
I kêrtas pôteh têrsurêt
Sabe bêrlipêt iwan ni bulang

Ari dêsô ni kuyu...
Kêbêrmu ku pênge tangke
Eyôp eyôp bade taôhi sire
Layu bang kase tampôk ni mayang
Layu bang kase tampôk ni mayang

Itêmô ôôô ôtehku ngingku
Tengkes ulak ku bide
Sêsat ulak ku dêne
Ku nanten i Ôjông Sange
Kêbêrmu i Ône Ône

Liwêt Towërên Rawe
Bêne i kala Bintang
Liwêt Towërên Rawe
Bêne i kala Bintang

Ulênô ôôô bintangku ngingku
Lalu mi kô lalu
Mênuju cahaya têrang

Ulênô ôôô bintangku ngingku
Lalu mi kô lalu
Mênuju cahaya têrang

Ulênô ôôô bintangku ngingku
Lalu mi kô lalu
Lalu mi kô lalu

Itêmô ôôô ôtehku ngingku


_____________________



                                                                  -



-
e=ego,dll (a b c d e f)
-
-
o=orang,obat,obeng,opini,dll (k l m n o p)
-


448

Sumber azmidira.wordpress.com

Posting Komentar untuk "Lirik Lagu Gayo – Sêmilir Angin"